RENTGEN

Siemens Luminos Fusion

Siemens Luminos Fusion (Almaniya istehsalı) qabaqcıl texnologiyanı səmərəli şəkildə özündə birləşdirən bütün orqanların müayinəsi üçün rəqəmsal rentgenoskopiya və rentgenoqrafiya sistemidir. Bu sistem istifadə rahatlığı, görüntü dəqiqliyi, şüalanma və radiasiya (CARE funksiyası vasitəsilə) dozasının 90%-ə qədər azalması funksiyasını və yüksək keyfiyyətli görüntü təklif edir.

Rentgenoskopiya  və Rentgenoqrafiya vasitəsilə
• Dayaq-hərəkət sistemi;
• Döş qəfəsi orqanları;
• Həzm sistemi;
• Bağırsaq (kontrastla) müayinələri;
• Ginekoloji və uroloji müayinələr aparılır.

Üstünlükləri:
• Müxtəlif proyeksiyalarda çəkilmiş şəkillərin bölünüb yığılması;
• Çəkilmiş şəkillərin pozitiv və neqativ görüntülərini əldə etmək imkanı;
• Görüntülərin istənilən şəkildə kontrastlaşdırılması;
• Bütün müayinələrin CD diskə köçürülməsi (rəqəmsal işlənmiş şəkildə);
• Rentgen şəkillərinin müxtəlif ölçülərdə pasiyentə təqdim edilməsi;
• Pasiyentin bədən ölçülərindən asılı olaraq avtomatik “individual rejim”i seçmə funksiyası;
• Pasiyentə hər tərəfdən rahat yanaşma imkanı.

Exokardioqrafiya (EchoCG) (PHILIPS AFFINITI 50C ekspert dərəcəli cihaz) 

Ürəyin ultrasəs müayinəsi olan exokardioqrafiya kardiologiyanın ürək və böyük damarların hərtərəfli öyrənilməsinə imkan verən əsas diaqnostik metodlarından biridir. Klinikamızda mövcud “Affiniti” sistemi ən çətin ultrasəs tapşırıqlarını yerinə yetirmək bacarığına malikdir. Cihaz, eyni zamanda uşaqlarda da exokardioqrafiya imkanını təmin edir. Cihaz yüksək dəqiqliyə malik ekran, məlumatların daxili diskə və ya çıxarıla bilən daşıyıcıya yazılma imkanı ilə təchiz olunmuşdur. 

EKQ (Elektrokardioqramma) (Cardioline)

Cihaz vasitəsilə ürək əzələsinin funksiyası yoxlanılır, infarkt, aritmiya, işemiya, ürək ritminin pozulması, ürək blokadası, ürəkdə elektrolit pozulmaları kimi bir çox ürək xəstəliklərinə dəqiq diaqnoz qoyulur. 

Ürək dərəcəsinin Holter monitorinqi

Holter müayinəsi 24-48 saat ərzində xəstənin günlük yaşam fəaliyyətini davam etdirərkən ürək fəaliyyətini və qan təzyiqini dəyərləndirməyə imkan verən müayinə metodudur. Müayinə zamanı qısa zaman kəsiyində baş verən və digər müayinə metodları ilə aşkarlana bilməyən ritm pozğunluqları, ürək ağrılarının səbəbləri aşkar olunur.