KARDİOLOGİYA

Klinikanın kardioloji şöbəsi ən müasir, dünya standartlarına uyğun avadanlıqlarla təchiz olunmuşdur. Kardioloji kabinetdə ixtisaslaşmış peşəkar həkim kardioloqlar tərəfindən ürəyin işemik xəstəlikləri (stenokardiya, infarkt), ürək çatışmazlığı, ürəyin ritm pozğunluğunun müxtəlif növləri (taxikardiya, bradikardiya, blokadalar), hipertoniya, ürəyin anadangəlmə və sonradan qazanılmış qüsurları, ürək əzələsinin iltihabi xəstəlikləri (miokardit, endokardit, perikardit), kardiomiopatiyalar və s. kimi ürək xəstəliklərinin müayinə və müalicəsi həyata keçirilir. 

EKQ (Elektrokardioqramma) (Cardioline)

EKQ ürək əzələsinin və keçirici sisteminin fəaliyyətinin araşdırılması üçün geniş tətbiq olunan sadə müayinə üsuludur. EKQ ürəkdə yaranan elektrik impulslarının kağız üzərinə köçürülməsidir. Bu sadə müayinə üsulu ilə ürəyin işemik xəstəlikləri (stenokardiya, infarkt), ürəyin keçirici sisteminin xəstəlikləri (aritmiya, blokadalar), elektrolit pozğunluqları və s. kimi bir çox ürək xəstəliklərinin dəqiq diaqnozu qoyulur.

Ürək dərəcəsinin Holter müayinəsi

Holter müayinəsi 24-48 saat ərzində xəstənin günlük yaşam fəaliyyətini davam etdirərkən ürək fəaliyyətini və qan təzyiqini dəyərləndirməyə imkan verən müayinə metodudur. Müayinə zamanı qısa zaman kəsiyində baş verən və digər müayinə metodları ilə aşkarlana bilməyən ritm pozğunluqları, ürək ağrılarının səbəbləri aşkar olunur.

Exokardioqrafiya (EchoCG) (PHILIPS AFFINITI 50C)

Ürəyin ultrasəs müayinəsi olan exokardioqrafiya kardiologiyanın ürək və böyük damarların hərtərəfli öyrənilməsinə imkan verən əsas diaqnostik metodlarından biridir. Klinikamızda mövcud “Affiniti” sistemi ən çətin ultrasəs tapşırıqlarını yerinə yetirmək bacarığına malikdir. Cihaz, eyni zamanda uşaqlarda da exokardioqrafiya imkanını təmin edir. Cihaz yüksək dəqiqliyə malik ekran, məlumatların daxili diskə və ya çıxarıla bilən daşıyıcıya yazılma imkanı ilə təchiz olunmuşdur. Müayinənin qeyri-invaziv olması, radiasiyanın olmaması, hamilələrdə və yenidoğulmuşlarda da istifadə olunması bu üsulun geniş tətbiqinə imkan verir.

Previous Next