KRİOSAUNA (soyuqla müalicə)

 

Göstərişlər:

- Ürək-damar, ağciyər və bronxların xəstəlikləri (astma, xroniki bronxit və pnevmoniya);

- Soyuqdəyməyə bağlı xəstəliklərin profilaktikası, immunitetin artırılması;

- Periferik damar xəstəliklərinin profilaktikası;

- Allergiyaya qarşı reaksiyalar;

- Revmatoloji poliartritlər, Bexterev xəstəliyi, deformasiya olunmuş artrozo-artritlər, podaqra;

- Qadın xəstəlikləri (sonsuzluq, klimaks, endometrioz, uşaq düşməsi, toksikoz);

- Dermatologiya (psoriaz, neyrodermit, seboreya, ekzema, sklerodermiya);

- Nevropatologiya və vertebrologiya (USP, yayılmış skleroz, miqren və digər baş ağrıları, miasteniya, əzələ ağrıları, parkinson, qıcolma, reflektor və neyrodegenerativ sindromlar, osteoxondroz, yırtıqlar, radikulit və başqa onurğa xəstəlikləri, keçirilmiş sinir xəstəliklərindən sonra bərpa);

- Kosmetologiya (dərinin çəkilməsi, zahirən cavanlaşma, çəkinin azalması, sellülit, mikrosirkulyasiyanın yaxşılaşması);

- Daxili xəstəliklər (xroniki hepatit, xolesistit, mədə yarası, qəbizlik).

 

Ümumiyyətlə krioterapiya bir xəstəliyə yox, bütün orqanizmə təsir göstərir. Buna görə də pasiyent bir-iki kurs müalicə aldıqdan sonra nəinki əsas xəstəlikdən, həm də bir çox yanaşı xəstəliklərdən azad olur. Prosedurlardan sonra pasiyentlərin əhval-ruhiyyəsi yaxşılaşır, yorğunluq hissi itir, yuxu normallaşır, cinsi münasibətlərə həvəs yüksəlir, spirtli içkilərə qarşı həvəs azalır, ağrıkəsici və yuxugətirici dərmanlardan imtina edilir. Əllərdə əsmə (tremor) və ümumi tərləmə azalır.

 

Analgetik təsir 4-6 saat davam edir.

 

Antieksudativ təsir – eksudatlar, şişkinliklər yox olur, limfa durğunluğu aradan qalxır, limfa axını normallaşır, toxuma və hüceyrələrdə mikrosirkulyasiya yaxşılaşır.

 

Regenerativ təsir: toxumalarda qan təchizatı yaxşılaşdığı üçün əzələ, sümük və qığırdaq toxumalarının regenerasiyası stimullaşır.

 

İmmunomodulyasiya: hüceyrə və humoral immunitet göstərişləri yaxşılaşır, soyuğa adaptasiya prosesi nəticəsində hipotalamus və hipofizin zəifləmiş mexanizmləri bərpa olur.

 

Antihipoksiya: eritrositlərin sayı və tərkibindəki hemoqlobinin miqdarı çoxalır.

 

Miostimulyasiya/mioreleksasiya: damarların yığılıb-genişlənməsi nəticəsində qan və limfatik sistemdə limfa dövranının dövr etməsi bərpa olunur. Prosedurdan sonra yağ təbəqəsinin azalması orqanizmin energetik sərfiyyatı hesabına baş verir. Dəri görünüşünün, dırnaq və saçların yaxşılaşması toxumaların trofikasının yaxşılaşması hesabına baş verir.

 

Krioterapiya prosedurundan sonra əhval-ruhiyyənin yaxşılaşması, emosional fonun normallaşması və ağrıların azalması endorfin və enkefalinlərin ifrazatının artması ilə izah olunur.

 

Əks göstərişlər:

- Kəskin ürək və beyin infarktı;

- İnsult;

- Hipertoniya xəstəliyi (II mərhələ, təzyiq 180/100 – dən yuxarı olarsa);

- Qızdırma;

- Aktiv vərəm;

- Bədxassəli şişlər;

- İsterik nevroz;

- Soyuğa qarşı allergiya;

- Ürək-damar, tənəffüs yolu, sinir sistemi və böyrəklərin kəskin xəstəlikləri;

- Kəskin infeksion xəstəliklər;

- Kəskin qan xəstəlikləri.