Az Ru En

KOREYA ŞƏRQ TƏBABƏTİ ŞÖBƏLƏRİ / Diaqnostik müayinə cihazları

YANDORAK cihazı
Orqanizmin müsbət və mənfi enerji nisbətini və ümumi energetik vəziyyətini təyin edir. Bu üsul ayrı-ayrı orqanların fəaliyyətinə, qan dövranı və vegetativ sinir sisteminə nəzarət etməyə imkan verir.
MEQÇİNQİ cihazı
Qan damarlarının elastiklik növünü (mövcud 60 müxtəlif növ) təyin edir. Bu parametrlər əsasında qanın ürəyə daxilolma gücü və qan damarlarının elastiklik dərəcəsi müəyyən edilir.
OMD 3000 BİOENERGETİK ANALİZATOR cihazı
Orqanizmin bioenerjisini zəif elektrik qıcıqlarına olan reaksiya əsasında ölçür. Alınmış nəticələr əsasında orqanizmin real vəziyyəti, qan dövranı, ayrı-ayrı orqanların funksional vəziyyəti və bir çox başqa parametrlər müəyyənləşdirilir.
INBODY cihazı
Orqanizmin tarazlığına hərtərəfli baxışı təmin edir. Bunun üçün əl və ayaq elektrodları vasitəsi ilə orqanizmə təhlükəsiz, aşağı səviyyəli cərəyanlar göndərilir. Orqanizmin tərkib hissəsi olan su, zülallar, minerallar, yağ və sümük kütləsinin ümumi miqdarı təyin edilir. Bədən kütləsi indeksinə əsasən boy və çəki barədə məlumatlardan istifadə edilərək piylənmə dərəcəsi təyin olunur, bədəndəki əzələ kütləsinin inkişafının adekvatlığı qiymətləndirilir.
EXBODY cihazı
Əzələ-skelet deformasiyalarının biomexaniki səbəblərini və əzələ vəziyyətini analiz etmək üçün bədənin tarazlığını araşdırır, eyni zamanda 3D modelləşdirmə sistemi vasitəsi ilə əzələ-skelet sistemi problemlərini təyin edir. Müayinə nəticələrinə əsasən idman tapşırıqları təyin olunur, əzələ dartınması və yığılması ilə əlaqədar əzələ-skelet deformasiyaları müəyyən olunur.
MARK-VU cihazı
Bir sıra çoxspektrli işıq diodlarının (LED) köməyi ilə yüksək səviyyəli optiklərə malik dəqiq qurulmuş üz analiz sistemidir. Bu sistem vasitəsi ilə üz dərisinin tipi, piqmentasiya, yağlılıq, qırışların dərəcəsi, dəri məsamələri və nəmliyi müəyyən etmək mümkün olur.

 

 

BİZİMLƏ ƏLAQƏ

Azərbaycan Respublikası Az 1095, Bakı şəhəri
Ünvan:
 Neftçilər prospekti 65 (Funikulyorun yaxınlığında)
Tel.:
 (+994 12) 437-18-10/ 437-18-25
Mob.: (+994 50) 290-35-46/ (+994 50) 290-28-36
Email: [email protected]

© Copyright SEBA 2022 | Created by Lider Web Studio