2006-2021-ci il müddətində Klinikamızda çalışan Koreya professor və fizioterapevtləri

Klinikamızda hər biri müəyyən müddətə Azərbaycana dəvət olunan koreyalı həkimlər (professor, fizioterapevt) tərəfindən əzələ-sümük xəstəlikləri, gicgah-alt çənə oynağı xəstəlikləri, revmatoloji problemlər, müxtəlif dərəcəli skoliozlar və ağrılar (onurğa sütununun bütün şöbələrində), hərəkətin məhdudlaşması və ətrafların keyləşməsi (boyun, çiyin, dirsək və topuq nahiyələrində), xroniki yorğunluq (yuxusuzluq, baş gicəllənməsi, başda ağırlıq hissi və s.), nevroloji problemlər (mərkəzi və periferik sinir sistemi ilə əlaqədar yaranan müxtəlif növ iflic xəstəlikləri, üz sinirinin iflici), mədə-bağırsaq xəstəlikləri, allergiya (allergik rinit, bronxial astma), soyuqdəymə, ürək-qan-damar xəstəlikləri, ginekoloji problemlər (sonsuzluq, klimaks dövrü sindromu, uşaqlıq mioması, yumurtalıq kistası, endometrioz, dismenorreya və s.), kosmetoloji problemlər (dərinin ağardılması, qırışların, civzələrin, irinli sızanaqların, ləkələrin aradan qaldırılması), artıq çəki probleminin (uşaqlarda və böyüklərdə piylənmənin müalicəsi, düzgün qida proqramının təyini, sellülitin aradan qaldırılması) müayinə və müalicəsi aparılır, həmçinin uşaqlarda fiziki inkişafın yaxşılaşdırılması, boy artımının sürətləndirilməsi, zehni inkişafın və diqqət cəmləmə qabiliyyətinin artırılması həyata keçirilir. Bütün adıçəkilən müalicələr pasiyentin şikayətlərindən asılı olaraq akupunktura (adi, elektrik iynəbatırma, kosmetik terapiya), moksibişn, vakuum terapiyası, bitki mənşəli dərmanlardan istifadə etməklə aparılır.